Оддий сўз билан айтганда, скоринг – бу кредит ташкилотларига кредит олиш учун ариза топшираётган шахснинг тўлов интизомини башорат қилишда ёрдам берувчи рейтинг тизими.

Яъни, ушбу «ихтиро» туфайли сиз одамнинг кредит қарзини қандай эҳтимоллик билан қайтаришини ва унга пул бериш тўғри ёки нотўғрилигини осонгина билиб олишингиз мумкин.

Кредиторлар назарида ўз баллингизни қандай ошириш мумкин?
Бунинг учун, биринчи навбатда, кредитларингизни эҳтиёткорлик билан тўлашингиз керак. Кечикишлар кредит тарихини бузади ва у скоринг баллини ҳисоблашда энг катта аҳамиятга эга.

Кредит тарих ҳолатини, гарчи ҳар доим ўз вақтида тўловларни амалга оширсангиз ҳам, мунтазам текшириб туриш керак. Шундай қилиб, барча маълумотлар тўғри кўрсатилганига ишонч ҳосил қилишингиз мумкин. Баъзида банклар кредит бюроларига қарз тўланганлиги ҳақида маълумот юборишни унутишади ва кредит тарихида кечикиш пайдо бўлади.